أيام زمان ... منى كمال

بقالي فترة بفكرفي أحوال الناس زمان ودلوقتي وفي الحقيقة الناس اتغيرت كثير والسبب هو المزيد من التكنولوجيا والاجهزة الحديثة


زمان كانوا الناس علشان يطمنوا على بعض لازم يزوروا بعض لان حتى تليفون البيت مكانش متوفر في كل البيوت فكانت الزيارات بين الاهل والاقارب لاتنقطع أسبوعيا  او بالكثير كل أسبوعين  دلوقتي بقينا نطمن على بعض بالموبايل والمصيبة لو عندنا فيس او واتس كمان بقينا نكتب لبعض وخلاص اطمنا من غير مانشوف بعض ولا نسمع صوت بعض حتى ..
 حتى الأولاد الصغيرين كانوا بيلعبوا مع بعض في بيت واحد منهم او على سلم البيت او حتى في الشارع دلوقتي يبقى الولد من دول قاعد في اودته وماسك اللاب او التابلت او البلاي ستيشن وبيلعب مع صاحبه اون لاين وكل واحد في اودته


التواصل عبر الأجهزة الحديثة بيتطور ولكن علاقتنا ببعضينا بتتاخر.. النت وبرامج التواصل خلت التواصل سهل جدا ولكن اصبتنا جميعا بالخرس وبقت  الكيبوردات هي اللى بتتكلم نيابة عنا كلمات جامدة خالية من المشاعر ..


بجد خسارة زمان وايام زمان والحب اللى كان بين الناس كل دا ضاع بين ازرار الموبايل والكيبورد ..






منى كمال
22/8/2014